港島區邊到最多嘢玩？第一時間一定會諗到銅鑼灣！
銅鑼灣作為港島人氣旺區，當然集合咗好多餐廳美食、Cafe、推拿養生、打卡景點等。
等小編為你推介銅鑼灣好去處，幫你輕鬆計畫銅鑼灣一日遊行程！
銅鑼灣美食餐廳（Café）推介
吸睛打卡圓形卡位Cafe：Missing Link
Missing Link座落於銅鑼灣耀華街，原本呢到係一條酒吧街，而家漸漸變成Cafe街。
米白色配上粉橙色嘅設計令人覺得溫暖柔和，最受歡迎嘅打卡位就係門口，同埋店內嘅圓形卡位。
照片來源：koffeekt_@IG
Scrambled Egg Avocado Toast $78
擺盆好精緻，食落牛油果夠熟，有滑溜牛油果香～
大大份嘅炒蛋有濃郁蛋香之餘，超級滑溜，
配上有厚度既酸種麵包，脆脆的包邊帶來更多樣化的口感
Missing Link
人均消費：約 $101 – $200
地址：銅鑼灣耀華街10號地舖
電話：9089 2290
營業時間：星期一至五（8:30am-6pm）；星期六、日（9am-6pm）
人氣手打Burger：MOOMOOPlus
MOOMOOPlus位於銅鑼灣百德新街，主要以英式酒吧作主題，既有戶外吧台位，又有梳化坐，對住海皮，感覺相當之chill！除咗提供各款特色漢堡之外，仲供應各款酒類，啱晒收工同朋友chill一chill。
照片來源：cowwww.food@IG
Scrambled 銅鑼堡 $198
銅鑼灣店設有獨家漢堡「銅鑼堡」，即鵝肝安格斯芝士牛堡，大大塊鵝肝疊在漢堡扒上，夠晒豪華。
招牌雙重芝士牛肉漢堡 $168
漢堡以2:8肥瘦牛肉打製而成，非常厚身，牛味重而且好Juicy！加埋配製調味料，食落好有層次。
MOO MOO Plus
人均消費：約 $101 – $200
必點美食： 銅鑼堡配黑松露薯條 ($198)、招牌雙重芝士牛肉漢堡配薯條($168)
地址：銅鑼灣百德新街59-65號Fashion Walk地下C&D號舖
電話：5691 2880
營業時間：星期一至六（12nn – 12am）；星期日（12nn – 10pm）
復古工業風Cafe：Urban Coffee Roaster
Urban Coffee Roaster近年成為年輕人嘅人氣熱門打卡café，吸引咗唔少人特地前來朝聖打卡。
佢地採用復古工業風裝潢，以水泥地配上木質色調同皮櫈。
店內環境同座位間隔寬敞，整體感覺舒適，最緊要係光猛嘅環境十分適合打卡。
照片來源：cowwww.food@IG
松葉蟹肉飯配炸軟殼蟹 $148
被評為「少數咖啡及主食同樣出色」既cafe，Urban Coffee Roaster不論飲品或食物味道都高質。
炸軟殼蟹松葉蟹肉飯提供原隻軟殼蟹，外殼酥脆同時裡面亦好juice
飯中加入蟹肉及蟹籽，整體好夾。咬開蟹中間會有蟹黃流出黎。真係極度推薦大家簡呢碟炒飯食。
Urban Coffee Roaster
人均消費：約 $101 – $200
地址：銅鑼灣京士頓街9號Fashion Walk地下D號舖
聯絡電話：3594 6569
營業時間：星期一至五（11am – 10pm）/星期六至日（10am – 10pm）
惡搞玩味打卡Café：Mamaday Café CWB
Mamaday係台北過江龍Cafe，全店嘅裝修、餐牌、細緻到連洗手間都十分搞鬼
整體裝修好Colorful，店內融合咗唔少香港特色元素，
好似香港有名嘅霓虹燈招牌，連餐紙巾都印上香港電影經典角色同金句。
作為有名的銅鑼灣打卡café，大家記得預留多啲時間喺到打卡！
照片來源：mmd.mamaday@IG
「點解個個都叫軟殼蟹比薩架？」 $138
Pizza為薄餅底，面層加咗芝士、千島醬，
再加上原隻酥脆香口嘅軟殼蟹，香脆微焦配搭濃郁芝士味，超正～
照片來源：mmd.mamaday@IG
唔好抱咁大期望蒲燒鰻魚蛋包飯 $124
就咁睇賣相已經好吸引，充滿蛋汁嘅滑蛋包住成個飯，搭上半條蒲燒鰻魚，
入口甜甜地之餘又帶點焦香，整體唔會太鹹，
連埋外層嘅蛋同埋木魚一齊食，味道鹹甜，口感濕滑，又有層次，推介！
Mamaday Café CWB
人均消費：約 $101 – $200
必點美食：「唔好抱咁大期望蒲燒鰻魚蛋包飯」($124) (可加$28升級原條鰻魚)、「點解個個都叫軟殼蟹比薩架？」($138)
地址：銅鑼灣霎西街28號必發大廈1樓
電話：2164 0066
營業時間:星期一至日（12nn-4:30pm、5:30pm-10pm）
銅鑼灣性價比高Cafe：No Boundary 無邊
銅鑼灣No Boundary位於希雲街，裝潢以黑色為主，擺設別具特色，型格得黎又有復古感。
No Boundary主要以大件夾抵食嘅All Day Breakfast同多國菜為主。
照片來源：mmd.mamaday@IG
招牌菜 No Boundary Deluxe All Day Breakfast
材料包括煙三文魚、德國煙燻香腸、炒蛋、楓糖煙肉、波特菇等等，
淨係賣相已經好吸引，色香味俱全，鹹甜適中，鮮美多汁，
除咗呢個外，仲有好多有款式同配料選擇，深受客人歡迎嫁。
No Boundary 無邊（銅鑼灣）
人均消費：約 $101 – $200
必點美食：No Boundary Deluxe至尊無邊全天早餐（$128）、
菠菜汁雞肉野菌扁意粉（$98）
地址：銅鑼灣希雲街9號地下
電話號碼：2219 9488
營業時間：星期一至五（12nn – 10pm）、星期六至日（11am – 10pm）
銅鑼灣美食餐廳（Café）推介
叫得銅鑼灣一日遊，食完嘢緊係要去玩啦，推介幾個銅鑼灣附近嘅特色景點比大家。
銅鑼灣打卡景點：大坑
大坑喺銅鑼灣同天后中間，係鬧市中既一片靜土。
大坑有唔少特色既美食小店，除咗有幾間文青打卡Cafe (Sonne CAD、HeyDay Cafe、Fineprint)，
手工啤酒吧Second Draft，亦有充滿香港懷舊味道既鐵皮茶棟炳記、茶記順興！
上圖為Cafe Sonne CAD，照片來源：angelamiuz@IG
大坑有間由三級歷史建築大樓活化嘅The Shophouse可喝茶、嚐咖啡外，更有不定期的藝術展覽。
值得一提仲有日式五金鋪「金社」，完全打破對五金鋪既舊有印象！
銅鑼灣景點：虎豹別墅
虎豹別墅由「萬金油大王」胡文虎建造，以前係私家別墅黎嫁，
當年開放左別墅既其中一部分「萬金油花園」比公眾參觀，
由2011年起進行活化工程，直到2019年終於再次開放。
虎豹別墅係中式文藝復興建築風格，別墅內裝有意大利彩繪玻璃窗、
受印度同緬甸影響既雕刻，以及鍍金壁畫。
照片來源：theshophousehongkong@IG
銅鑼灣睇日落隠世景點：銅鑼灣避風塘燈塔
香港人一定食過避風塘炒蟹啦，咁避風塘燈塔你去過未？
銅鑼灣避風塘燈塔睇日落絕對係一流，算係一個非常隠世既地點，
雖然非常容易到達，但又不算是十分熱門。
景觀開揚，有如喺海中心睇日落，銅鑼灣避風塘絕對是一個絕佳的休閒好去處。
照片來源：clym_.hk@IG
銅鑼灣推拿養生館推薦2022
平日返工咁攰，放假一定要鬆一鬆，放低全星期嘅疲勞！
小編為大家推一間$300以下CP值極高既SPA水療按摩店 — Inzpire
Inzpire有多款刮痧推拿讓客人選擇，包括：刮痧排毒、穴位按摩、精油按摩、青竹撥筋等等，
均有助放鬆肌肉同解除疲勞，有興趣嘅朋友不妨為自己充充電吧！
位於銅鑼灣廣埸一期的Inzpire，過佔地萬呎，一入去就覺得好寬敞～
小編成日都想同男朋友一齊去推拿，無奈市面上好多推拿養生店都唔接受男客戶，
終於搵到間係男女客戶都接受既～
因為每間都係獨立房間，私隱度極高！２人同行仲可以安排到雙人房㖭！
Inzpire主打中式經絡養生美顏，店內仲有註冊中醫駐埸，感覺好可靠！
當中經絡刮痧同青竹撥筋就係佢地皇牌療程：
皇牌項目—《經絡深層刮痧排毒護理》／45分鐘
新客戶優惠：$228／次；$628／3次 （3次送經絡穴位排毒瘦面60分鐘）
小編平時好中意周圍按摩刮痧，試完 Inzpire《經絡深層刮痧排毒護理》
覺得同傳統嘅牛骨刮痧、拔罐好唔同！
為咗養生，平時即使覺得刮痧好痛都會硬住頭皮忍痛，仲試過比人刮到皮膚損咗！
而Inzpire嘅刮痧係用專利養生宗筋儀，完！全！唔痛！
做既時候暖暖地，只係做左幾下，背脊已經出哂痧！
